ວິໄສທັດ (Vision)
"ວິທະຍາໄລຄູ ສະຫວັນນະເຂດ ເປັນສູນກາງແຫ່ງການພັດທະນາວິຊາຊີບຄູທີ່ມີຄຸນນະພາບ ແລະ ຈັນຍາບັນ, ເອົາໃຈໃສ່ການວິໄຈ ສາມາດເຊື່ອມໂຍງໄດ້ກັບສາກົນ."
ຄຳຂວັນ
"ສອນດີ ຮຽນເກັ່ງ ເຄັ່ງຕໍ່ວິໄນ ໃສ່ໃຈພັດທະນາສິ່ງແວດລ້ອມ ພ້ອມຮັກສາວັດທະນະທຳ"
ໂຄງຮ່າງການຈັດຕັ້ງ
ພາກວິຊາສອນ
ພະແນກການ
ປະຫວັດຄວາມເປັນມາ
ວິທະຍາໄລຄູ ສະຫວັນນະເຂດ ສ້າງຕັ້ງຂຶ້ນເມື່ອປີ 1966 ໂດຍໃສ່ຊື່ໃນເບື້ອງຕົ້ນວ່າ: Ecole normale Savannakhet. ມີຂອບເຂດເນື້ອທີ່ທັງໝົດ 44 ເຮັກຕາ, ດ້ານໜ້າຕິດກັບເສັ້ນທາງເລກທີ 9 ຍາວ 290 ແມັດ, ຫ່າງຈາກຕົວເມືອງສະຫວັນນະເຂດ 7 ກິໂລແມັດ.
ໄລຍະທີ 1: ວິທະຍາໄລຄູສະຫວັນນະເຂດ
ເປັນໂຮງຮຽນກໍ່ສ້າງຄູຊັ້ນຕົ້ນ ໃນລະບົບ 6+2 (ລະບົບເລັ່ງລັດ) ແລະ ລະບົບ 6+4 ເປັນຄູປະຖົມສົມບູນ ຮັບຜິດຊອບສອງແຂວງ ຄື: ສະຫວັນນະເຂດ ແລະ ຄຳມ່ວນ.
ໄລຍະທີ 2: ໂຮງຮຽນກໍ່ສ້າງຄູຊັ້ນກາງເລກ 5 (ສ.ຄ 5)
ຮຽນໃນລະບົບ 8+3 ແລະ ຮັບເອົາພະນັກງານຄູຊັ້ນຕົ້ນມາຮຽນຕໍ່ເອົາວຸດທິຄູຊັ້ນກາງ. ສາມາດກໍ່ສ້າງຄູໄດ້ທັງໝົດ 15 ຊຸດ, ມີຈຳນວນ 3.049 ຄົນ.
ໄລຍະທີ 3: ສາຂາມະຫາວິທະຍາໄລສ້າງຄູ ສະຫວັນນະເຂດ
ຮຽນໃນລະບົບ 11+4 ສຳລັບນັກຮຽນສາມັນ ແລະ ຮັບເອົາພະນັກງານຄູຊັ້ນກາງມາຮຽນຕໍ່ເພື່ອເປັນຄູຊັ້ນສູງສອນຂັ້ນມັດທະຍົມຕອນປາຍ.
ໄລຍະທີ 4: ວິທະຍາໄລຄູສະຫວັນນະເຂດ (ວຄສ)
ຮ່ວມເຂົ້າເປັນສະຖາບັນດຽວ. ລະບົບການຮຽນແມ່ນ 11+3 ເປັນຄູຊັ້ນສູງລະດັບອະນຸປະລິນຍາ. ສົກຮຽນ 1991-1992 ໄດ້ສ້າງຄູລະບົບ 11+1 ໄປສອນປະຖົມ.
ກິດຈະກຳນອກຫຼັກສູດ
ກິດຈະກຳຕັດຫຍິບ
ຕັດຫຍິບປະເພດຕ່າງໆ ບໍລິການພາຍໃນ ແລະ ພາຍນອກ ວຄສ ພ້ອມເຝິກອົບຮົມໃຫ້ນັກສຶກສາ.
ປຸງແຕ່ງອາຫານ ແລະ ສິລະປະກຳ
ບໍລິການອາຫານ, ເຝິກອົບຮົມການປຸງແຕ່ງ, ການແກະສະຫຼັກ, ຂວັດລາຍ ແລະ ແຕ້ມຮູບພາບ.
ສິລະປະດົນຕີ-ເສີມສວຍ
ຟ້ອນ, ຮ້ອງເພງ, ສະແດງລະຄອນ ແລະ ສູນເສີມສວຍບໍລິການພະນັກງານ ແລະ ນັກສຶກສາ.
ກິດຈະກຳຊ່າງໄມ້
ສ້ອມແປງໂຕະ, ຕັ່ງ, ຕູ້ ທີ່ເປ່ເພ ແລະ ຜະລິດອຸປະກອນສື່ການສອນໃຫ້ນັກສຶກສາ.
ກິດຈະກຳກິລາ
ບານເຕະ, ບານສົ່ງ, ກະຕໍ້ ແລະ ກິລາພື້ນບ້ານ ພ້ອມເຝິກອົບຮົມກຳມະການຕັດສິນກິລາ.
ຕັດຜົມ-ນ້ຳສະອາດ
ບໍລິການຕັດຜົມຟຣີ ແລະ ຜະລິດນ້ຳສະອາດດ້ວຍເຄື່ອງຈັກຂະໜາດນ້ອຍເພື່ອບໍລິໂພກພາຍໃນ.
ຂ່າວສານ-ດົນຕີ
ບໍລິການອອກຂ່າວທາງໂທລະໂຄ່ງ ແລະ ວົງດົນຕີຮັບໃຊ້ກິດຈະກຳສະໂມສອນຊາວໜຸ່ມ.
ກະເສດ-ສິ່ງແວດລ້ອມ
ປູກເຫັດ, ປູກຜັກ, ເຮັດຝຸ່ມບົ່ມ ແລະ ການຈັດສັນຂີ້ເຫຍື້ອໃຫ້ເປັນລະບຽບສະອາດງາມຕາ.
ຄະນະອຳນວຍການໃນແຕ່ລະສະໄໝ
ລາຍຊື່ຜູ້ອຳນວຍການແຕ່ປີ 1969 ເຖິງ ປັດຈຸບັນ
ທ່ານ ອວດ ອຸລະຈິດ
1969-1971
ທ່ານ ທອງເພັດ ວົງໂພສີ
1971-1972
ທ່ານ ເງິນແທ່ງ ເກດຕະວົງ
1972-1974
ທ່ານ ທອງເຕີນ ໄຊຍະເສນ
1974-1976
ທ່ານ ວອນມາ ດາລາອ້ວນ
1976-1980
ທ່ານ ສຳພອນ ເກິ່ງພະຈັນ
1980-1984
ທ່ານ ວຽງຄຳ ເພັງສະຫວັນ
1984-1992
ທ່ານ ຄຳພູນ ຕຸໄພທູນ
1992-2006
ທ່ານ ກຶ່ງ ໄຊຍະສານ
2006-2015
ທ່ານ ລັດສະໝີ ພະໄຊສີ
2015-ປັດຈຸບັນ